قدم الفنان المغربي سعيد الناصري، مساء أمس الخميس، لجمهوره العريض حفيدته صوفيا، حديثة الولادة، بعدما كان قلق على حالتها، وعلى صحة ابنته لكونها كانت مصابة بفيروس كورونا.
وشكر الناصري، متابعيه على المساندة التي قدموها له إذ قال: “ليا الشرف نقدم ليكم الحفيدة ديالي صوفيا لي بسباب الدعاء ديالكم ربي حفظها ليا و جابها للدنيا”، و استغل الناصري هذه الفرصة و وجه مجموعة من الرسائل عبر شريط الفيديو الذي نشره بقناته الرسمية بموقع رفع الفيديوهات “يوتوب” للشريحة التي كدبت إصابته بالفيروس و اتهمته بالتمثيل لصالح المصحة التي كان يتعالج فيها.
وأضاف الناصري: “الحالة ديالي غادة و كتحسن و التنفس ديالي كيقاد خاصني نبقى فالدار باش متدهورش الحالة الصحية ديالي، بغيت ندوي على شي علماء بانوا واعرين كيحللو كولشي و كيكدبو الناس أنا مسميهم علماء بيبي، وحدة منهم قالت بلي الموسطاش ديال سعيد الماصري كان في أكتوبر كحل و دابا ولا أبيض، بغيت نقول ليها مرة مرة كانديو الصباغة باش يبان الفنان مزيان وفي مظهر يليق بمرتبته”.
وتابع الناصري: ” علاش غادي نكدب على الجمهور ديالي كون بغيت نكدب عليهم كون درتها فالكاميرا خفية لي كانو عاطييني فيها الفلوس غير باش ندوز و رفضت و قلتها لجمهوري، و سيفطو ليا هاد العام تذكرة الطائرة لمصر أنا و زوجتي و منين عرفت بلي هاد العرض كاميرا خفية تراجعت واخة شاركوا فيها فنانين مغاربة، منهم فركوس و آخرين و عاطيني مبلغ كثر من الفنانين لي حضروا مع فيفي عبدو”.
كما ختم الناصري شريط الفيديو قائلا: ” علاش غادي نكدب على الجمهور المغربي في المرض و نفايل على بنتي بكورونا، واش أنا محتاج عطف الناس بالمرض، الناس كيبغيو سعيد ناصري بأعمالوا ، أنا لا يمكن نغش جمهوري، خصنا نهزوا ببعضياتنا باركة من الحكرة راحنا محكورين أصلا و أعمالنا محكورة فبلا متزيدو علينا”.
واستغل بطل فيلم “الباندية”، الفرصة لكي يحذر جمهوره من خطورة المرض، لأنه لازال يعيش بيننا، كما نصحهم بالإلتزام بالأساليب الإحترازية، لتجنب الإصابة بالفيروس، الذي فتك أجسام الناس، إلى أن يتم التلقيح خلال الأيام المقبلة.
للمزيد من التفاصيل...
