تقاسم الكوميدي المغربي أسامة رمزي لأول مرة مع متابعيه تفاصيل شخصية تخص معاناته النفسية الحادة التي يعيشها في الفترة الحالية
و نشر الكوميدي رمزي تدوينة مطولة عبر حسابه الخاص على الأنستغرام قال فيها« بغيت نشارك معكم واحد القضية وسمحولي غا نخوي شوية حيت يمكن كاين اللي عايش نفس الحاجة هادي أكثر من شهر ونصف تقريبا وأنا عندي مشكل فالتنفس ما كانقدرش ناخد النفس كامل ».
وتابع رمزي « وكانحس بصدري مزير عليا ومخنوق وفاش كانبغي نتنفس كانحس براسي غادي نتخنق وبالتالي قلبي كايبدا يضرب بجهد والوسواس مرضني فصحتي فوق ما ممكن تتصور وديال بصح أثر عليا لا فالنعاس اللي ديال بصح ما بقيتش كانعرفو لا فالدوايات اللي كاينفخوني عاد زيد عليها الأعصاب والتوتر ».
وأضاف الكوميدي الذي طلّ على جمهوره مؤخرا في سلسلة « الكوبيراتيف »، قائلا: « والمشكلة بزاف ديال الاطباء قالو ليا هادشي اللي عندك هو حالة قلق نفسي والتفكير السلبي كايوصلك لتوتر العضلات، المشكلة الكبيرة أنني واعي بزاف بهادشي ولكن هادشي مسيطر عليا فوق القياس لمجموعة من الأسباب ماشي ضروري نشاركها هنا لكن الفكرة اللي بغيت نوصل ليكم هي ما تستاهنوش بنفسيتهم كيفما ما تستاهنوش باللي نفسيتو محطمة وحاولو تلقاو اللي يرفه عليكم واكتشفو حوايج جداد فيكم ».
وختم تدوينته « المرحلة اللي وصلت ليها كانطلب ربي ما يوصل ليها حتى شي واحد وعارف عندي القدرة والقوة ندوز هادشي إن شاء الله دعواتكم معايا و صافي وردوا البال لراسكم يمكن هادشي اللي خويت ينفسني شوية ولكن بغيت نشاركم هادشي غير باش نقول ليكم النفسية مهمة بزاف فالحياة ».
و كان الممثل الكوميدي، المغربي، أسامة رمزي، قد شاركفي السيتكوم الرمضاني » كوبيراتيف « ، التي تبث عبر القناة الثانية.
للمزيد من التفاصيل...
